أهم الأخبار اليوم .. السيسي للمصريين: يومين وهمشى هروح عند ربنا.. خلوا بالكوا من بلدكم

0 تعليق 5 ارسل لصديق نسخة للطباعة تبليغ

اشترك لتصلك أهم الأخبار

قال الرئيس عبدالفتاح السيسي، الجمعة، إن مصر لم يكن لديها أي معلومات أوخريطة عن تطورت الجماعات الإرهابية خلال 3 سنوات.

ووجه السيسي، خلال مشاركته في جلسة «السياسة الخارجية ومكافحة الإرهاب وإعادة بناء مؤسسات الدولة» بمؤتمر حكاية وطن، حديثه للمصريين: «يومين وهمشى هروح عند ربنا، عينك على بلدك أوعى بلدك تروح منك خلوا بالكوا منها لا يجب السماح بالنيل من مصر مهما يكن».

وأشار إلى أنه «بعد الثورة ناس خرجت من السجون وخدت عفو، فيه ناس شهيتهم في حواجز الاعتداء على الآخرين، فيه ناس تقتل وتفجر».

وتابع: «فيه بؤرة إرهابية موجودة في سيناء، لكن كان فيها نسب كبيرة من الشر والأسلحة والمتفجرات ومدربنهم عشان يستنزفونا أكتر من 3 سنوات، حد قال بنتكلف كام شهريا عشان دا، مش بتكلم في فلوس بتكلم عن ولاد مصر، ولاد مصر شباب من كل حتة فيكي يا مصر الصعيد والريف والقاهرة، اتصاب كام واحد يعرف اللي يعرف أهل المصاب، المفروض ميدفعش أتمان كدا تاني».

وأردف الرئيس قائلا: «نفض الارتباط بين سيناء والقطاع كان لازم نشيل مباني لأنه فيه أنفاق أكتر من 3 كيلو، فيه مصر بنكافح الإرهاب بجد يعني إيه بجد مش بوشين هو وش واحد، من سنتين قطعنا الفاصل للحفاظ على بلدنا، خلصنا 1.5 كيلو، سبب التجرؤ على مصر حدث في أعقاب ثورتين، مكانة مصر وهيبتها تتراجع عند أول مظاهرة تتطلع».

وأكد السيسي: «بقالنا 3.5 سنة نقاتل الإرهاب بولاد مصر، المصابين أكتر من 12 أو 13 ألفا، بين مصاب يعود ومصاب لا يعود، ولازم نخلي بالنا منهم اللي فقد جزء من جسمه ولا عينه، كل دا جرح في جسم مصر، عشان كدا مصرين على القضاء على الإرهاب ومتحركين فيه كويس».

------------------------
الخبر : أهم الأخبار اليوم .. السيسي للمصريين: يومين وهمشى هروح عند ربنا.. خلوا بالكوا من بلدكم .. تخلي صحيفة الاجيال الحرة مسئوليتها الكاملة عن محتوي هذا الخبر وانما تقع المسئولية علي الناشر الاصلي للخبر و المصدر هنا : المصرى اليوم - مصر

إخترنا لك

أخبار ذات صلة

0 تعليق