دنيا الحياري

0 تعليق 15 ارسل لصديق نسخة للطباعة تبليغ

الاجيال الحرة .. الاثنين 18 يناير 2016 12:58 صباحاً ... رحالة ..
فى دُنيا الغريب
رحالة
الراحة فيها شبه
استحالة
جوالة
فى الهم جوالة
يادنيا ما بترسي
على حالة
شيالة
الحزن شيالة
ومالى بِحُزنك قوالة
عيانة
فى زمن نفوس تعبانة
والنَفس منهم حزنانة
عريانة
ناسك من الخير عريانة
مهما انكست بردانة
وجعانا
من الخلاف دماغنا وجعانا
غلبنا نفهم ناس مش فهمانا
راسيانة
على برك يا دنيا
مش مرسيانا
ولا عارفينك
ولا عرفانا
بكيانة
بأدينا إيه غير الدموع
ع الخد مغرقانا
سترانا
بين الحيطان سترانا
سقف البيوت مغطيانا
حيرانة
بجد فيكى حيرانة
غلبت والصدق امانة
مودعانة
دايما ايدينا بالوداع
سبقانا مهما نقابل
مودعانا
ضيقانة
مالك يا دنيا خنقانا
القاعدة فيكى مش
مريحانا
غلبانة
غلبانة انتى ولا مغلبانا
دنيا الحياري مش سيعانا
..
..

الأديبة نسمة سعيد
18,يناير,2016

------------------------
الخبر : دنيا الحياري .. تخلي صحيفة الاجيال الحرة مسئوليتها الكاملة عن محتوي هذا الخبر وانما تقع المسئولية علي الناشر الاصلي للخبر و المصدر هنا : موقع شعراء

0 تعليق