عاجل

اخبار الثقافة الان ... «الشجر» (شعر)

0 تعليق 5 ارسل لصديق نسخة للطباعة تبليغ

اشترك لتصلك أهم الأخبار

فى حتتنا الشجر فارد ورق وغصون

ومالى الحتة ريحة برتقان ولمون

فى حتتنا الشجر زى البيوت مسكون

فى حتتنا الشجر واقف

ومش خايف من المناشير

وعاشق ع اليمام لايف

وفاتح حضنه للعصافير

وبيوزع علينا الخير ويتوصى

فى حتتنا الشجر شاهد على القصة

ولما الدنيا تتمسى

بيسهر يسمع الحواديت

ويحلم حلمنا الممنوع

فى حتتنا الشجر مروى عرق ودموع

فى حتتنا الشجر زى البشر موجوع

وبينادى بصوت مسموع

بكل وداد يطمن قلبنا ع الجاي

ويتصاحب على الأولاد

وهم قرود بتقطف برتقانه الني

وتلعب باللمون والتوت

فى حتتنا الشجر فوق البيوت بيفوت

وبيفرق علينا الضل

وبيسبح مع الملكوت

ولا بيزهق ولا بيمل

فى حتتنا الشجر بيغير على العشّاق

فى حتتنا الشجر كاتب على الأوراق

مادام الرزق ع الرزّاق

هتضحك لينا دنيتنا

وهتنور ليالينا وهتفتح أمانينا

وهتزهزه... فى حتتنا

شعر: أسامة عبدالصبور

usamaoos@hotmail.coma

------------------------
الخبر : اخبار الثقافة الان ... «الشجر» (شعر) .. تخلي صحيفة الاجيال الحرة مسئوليتها الكاملة عن محتوي هذا الخبر وانما تقع المسئولية علي الناشر الاصلي للخبر و المصدر هنا : المصرى اليوم

أخبار ذات صلة

0 تعليق