اخبار الثقافة الان ... ثورة على شاعر (شعر)

0 تعليق 0 ارسل لصديق نسخة للطباعة تبليغ

اشترك لتصلك أهم الأخبار

يا حبيبى إنت شاعر

هو مطلوب إنى أصدق

حبر فوق بفرة سجاير

ولا مطلوب إنى أحرق

عمرى فى الدم اللى فاير

ولا مفروض.. ولا مفروض

ولا معقول إنى أكون

سطر فيك راح يختصر حبة مشاعر

يا حبيبى..

ياحبيبى إنت كائن

كل يوم بتقوم بثورة

نظرتى للكون تغيظك

دنيا مش عايش معاها

والأكادة راسمها عورة

يا حبيبى إنت مقتول جوا حرب.. وكل يوم تغزل مناورة

غاوى ليه تلضم مواجع

تنهى حرفك بالموامرة

ياحبيبى.. لما بتقولى بحبك

من حروف الشعر بضحك

أصل حب الشعرا مقلب

أيوه صح ساعتها بفرح

قلب مرسوم ع الغيوم

يمسحه دمعى ببشاوره

يا حبيبى.. إنت واخد ع المغامرة والخيال

كل من حلل غرامك

شخص عايش كالعيال

قلبه متعلق بلعبه

وعمره دايب فى الحبال

إنت جانى إنت قاتل

إنت جامد فى الدواوين والقصايد.. سيفك البتار دهوا.. صنعتة كام عود جريد

يا حبيبى..

مش أنا اللى أفضل أصوم

ما الكلام مالى الدفاتر

يأدن ميعاد العاشقين

تكون قبلى فاطر

يا حبيبى مجازها عاطل

ولما بيقولها لسانى

بتبقى سخريه وباطل

يا حبيبى إنت شاعر

أمل حجاج

------------------------
الخبر : اخبار الثقافة الان ... ثورة على شاعر (شعر) .. تخلي صحيفة الاجيال الحرة مسئوليتها الكاملة عن محتوي هذا الخبر وانما تقع المسئولية علي الناشر الاصلي للخبر و المصدر هنا : المصرى اليوم

أخبار ذات صلة

0 تعليق