اخبار الثقافة الان ... محطة‭ ‬مصر.. شعر: محمد‭ ‬فتحىي ‬اللحمة‭

0 تعليق 5 ارسل لصديق نسخة للطباعة تبليغ

اشترك لتصلك أهم الأخبار

على باب محطة مصر الخلايق أمم

كل الوشوش والألسنة والذمم

على باب محطة مصر لا عدد ولا حصر

كأنه يوم الفرار م الزحف أو كرنفال النصر

والقطر مينا موحد القطرين

أبو عمو يسأل نروحوا طهطا منين

والحاج راكب طلخا سته ونص

الكعب عالى والرصيف بيبص

وسرينه عاليه ف بهو عالى ترن

أنا كنت حاجز جار كبار السن

والكمسرى بيسألنى أيوه لفين؟

الحيرة كانت كاسية تلاتين وش

الغش فى المشاوير ما بيوديش

والبين شقا لو كنت ع الكنبه

هيقلبوك يلاقوك زى اللى سافر دهر

القفه لسه فوق راس البنية والشوال ع الضهر

وانا كنت رايح بكره إيه جابنى

وينوبنى إيه يا رفاق لو اتطوقت

على باب محطة مصر اعمل حسابك فى الفلوس نوبتين

والبس صديرى بس بالمقلوب وشيل نوبة

ونوبة بين الحزام وجديلة الدكة

على باب محطة مصر هتتقلب هتتقلب

ومش بعيد تتبسطر وتتعلب

ويرجعوك مطرح ما كنت.

------------------------
الخبر : اخبار الثقافة الان ... محطة‭ ‬مصر.. شعر: محمد‭ ‬فتحىي ‬اللحمة‭ .. تخلي صحيفة الاجيال الحرة مسئوليتها الكاملة عن محتوي هذا الخبر وانما تقع المسئولية علي الناشر الاصلي للخبر و المصدر هنا : المصرى اليوم

0 تعليق