اخبار المشاهير اليوم .. نشوى مصطفى تكشف عن رحلة كفاحها: اشتغلت بياعة في محلات ودلوقتي أسكن فيلا بحمام سباحة

0 تعليق 2 ارسل لصديق نسخة للطباعة تبليغ
أصبح كثير من الشباب خريجي الجامعات في مصر هذه الأيام ونتيجة لصعوبة إيجاد عمل يتجه لمشاريع بسيطة يقوم بها تكون مصدر دخل لهم، كعربات الفول أوالبطاطا أو غيرها من الأعمال البسيطة، ويظهر الشباب بمظهر جميل ويهتموا بعربتهم أو مشروعهم الصغير هذا.

وخلال الأيام القليلة الماضية انتشرت عبر مواقع التواصل الاجتماعي صورة لشباب قاموا بمشروع صغير "عربة بطاطا" فبدلا من الجلوس على المقاهي فكروا وقروروا دون أي خجل أن يقفوا في الشارع ويبيعوا البطاطا للمارة، الصورة لاقت رواجا كبيرا وكان من ضمن المتحمسين لهذا الفكرة الفنانة الكوميدية نشوى مصطفى.

نشرت نشوى الصورة على حسابها الشخصي في موقع Facebook وعلقت عليها لتعبرعن سعادتها بهذا الشباب الذي لم يستسلم لأي احباط قد يكون واجههم.

قلبى فرحان بيهم "ملامحهم تدل انهم متخرجين من جامعات مهمة علشان كدا دماغهم مهمة، ماقعدوش يولولو ويقولوا فين الحكومة تعيننا واستخدموا لفظ البطالة شماعة يعلقوا عليها إحباطهم، ببساطة فكروا واشتغلوا، رجالة بحق وحقيقي.

قلبى فرحان بيهم -- ملامحهم تدل انهم متخرجين من جامعات مهمة علشان كده دماغهم مهمة -- ماقعدوش يولولو ويقولوا فين الحكومة ت...Posted by Nashwa Moustafa on Friday, January 15, 2016

ويبدو أن نشوى تلقت العديد من التعليقات السلبية والتي وصفتها بأنها فنانة تقبض الكثير من الأموال، فكيف لها أن تشعر بهؤلاء الشباب.

نشوى لم تسكت على هذه الاتهامات وقامت بالرد عليهم، وكتبت عبر حسابها الشخصي في Facebook منشورا طويلا روت فيه عن بدايتها وكيف تعبت حتى تصل إلى ما وصلت إليه، وأنها كانت من عائلة بسيطة وكانت تعمل حتى تستطيع أن تنفق على نفسها، فقالت "طيب بمناسبة انى شيرت صورة لشباب زى الورد بيبيعوا بطاطا، قلت عفارم عليهم انهم مااستسلموش للاحباط وللبطالة ولا قعدوا يولولو ويشتموا فى البلد، ونتيجة للردود اللي بعضها سخيف وبيقولوا لى انتى فنانة بتاخدى فلوس اد كده ومش حاسة بالشباب المحبط وعايزانا بعد مانتخرج من كلياتنا المحترمة نبيع بطاطا، ونتيجة الرسايل الشتيمة الانبوكس عايزة اقول لهم ابويا الله يرحمه كان من الطبقة الكادحة الطبقة تحت المتوسطة بشوية كتير، أبويا ربانى انى أكون راجل، بمعنى انى لما اتخرجت ومالقتش شغل عملت وجبات جاهزة فى البيت وبعتها فى العتبة للبياعين اللي بيشتغلوا فى محلات الملابس "

وتابعت " ليه العتبة بالذات، لأنى فى اجازات الصيف بتاعت الجامعة كنت بشتغل بياعة فى المحلات دى علشان يكون معايا فلوس زيادة عن المصروف اللي باخده من أهلي، وليه عملت وجبات جاهزة وبعتها؟؟؟ لأنى كنت عايزة ادرس تمثيل -- دخلت المعهد وابتديت تمثيل بعشر مشاهد فى ضمير ابلة حكمت وكان أجرى فى المسلسل كله ٢٥٠ جنيه، كنت ساكنة فى شبرا بيتنا أوضتين، دلوقتى بفضل ربنا وبمجهودى انا ساكنة فى فيلا دورين بحمام سباحة فى أرقى مكان فى التجمع الخامس، اتعلمت فى مدارس حكومة وكنت باخد الكتب ببلاش فى الجامعة لأنى كنت مقدمة مفردات مرتب والدى انها بسيطة"

واختتمت كلامها بأن كل ما وصلت إليه هو من اجتهادها وتعبها وانه لم يكن هناك من يساندها داخل الوسط الفني، كما يحدث من مجاملات دائما، وطالبت كل شاب بالمحاربة حتى يصل إلى ما يريد ويحقق حلمه.

"دلوقتتى بفضل ربنا وبمجهودى ولادى جامعة امريكية وألمانية، ماحدش ساعدني غير ربنا مافيش منتج دعمنى وادانى بطولة وانا استاهلها بجدارة، أثبت انى بمشهدبن تلاته ممكن اسيب تأثير واحقق نجومية باشوفها فى كلام معجبينى فى كل مكان جوه مصر وبراها، انا بشتغل بمجهودي، اتحاربت وصمدت اتساومت ومااستسلمتش لانى مؤمنة بحلمى ومؤمنة إن ربنا مع اللي بيتعب، حارب علشان حلمك وماتشتمش بلدك ولا ظروفك ولاتشتم الممثلين"

طيب بمناسبة انى شيرت صورة لشباب زى الورد بيبيعوا بطاطا -- وقلت عفارم عليهم انهم مااستسلموش للاحباط وللبطالة ولا قعدوا يو...Posted by Nashwa Moustafa on Friday, January 15, 2016

comments powered by

------------------------
الخبر : اخبار المشاهير اليوم .. نشوى مصطفى تكشف عن رحلة كفاحها: اشتغلت بياعة في محلات ودلوقتي أسكن فيلا بحمام سباحة .. تخلي صحيفة الاجيال الحرة مسئوليتها الكاملة عن محتوي هذا الخبر وانما تقع المسئولية علي الناشر الاصلي للخبر و المصدر هنا : فى الفن

أخبار ذات صلة

0 تعليق